الاثنين، 18 مايو 2009

كذب أبيض

صديقنا باولو بك إذادور اللي كان بيشتغل في العمل التطوعي 3 ايام في الأسبوع في الجمعية

المصرية لمكافحة الدرن و3 ايام الباقية كان بيشتغل في المنظمة الأهلية لمكافحة العنف ضد

المرأة ويوم الجمعة أجازة حتي من شغله الأصلي كمنظم اقليمي لبرامج واحدة من اكبر

شركات البترول الأمريكية.

وعندما مرض باولو بك إذادور مرضا شديدا اقنعه اصدقائه في الجمعية المصرية لمكافحة

الدرن بأنه لأزم يدخل المستشفي معدش ينفع الأنتظار فإضطر باولو بك الي إستخدام

التأمين الصحي الدولي اللي هو عمله وبيدفع فيه كل سنة دم قلبه للأمريكان.

ودخل مستشفي البحرية الأمركية في بيروت فسافر علي الرحلة 999 من مطار القاهرة

لمطار بيروت الدولي وأخدت الرحلة50 دقيقة طيران وساعة إنتظار في القاهرة وساعة

تانيه في مطار بيروت لأن الطيارة كان عليها وفد حكومي رفيع المستوي يعني بالعربي كده

ناس مش اي كلام رايحين يحضروا الإجتماع 19لإتحاد البرلمانيين الزفت العرب وكان اللي

عازمهم علي المؤتمر حمبوزو بك اقدم برلماني عربي كان بقاله 40 زفت سنة متواصلة

عضو في برلمان بلده ..المهم مطولش عليكم ـ قول طول ـ انتقل من مطار بيروت بمستشفي

البحرية الأمريكية في غر ب بيروت واول ماوصل ودخلوه المستشفي كان في حجرة

مزدوجه فيها سريران واحد بعيد عن الشباك الوحيد في الأوضة في مريض مشلول

ومبيتحركش لأسباب غير معروفه طبيا وباولو بك جاء حظه في السرير اللي جنب الشباك

وبسرعة كلمة من هنا وكلمة من هنا المشلول وباولو بك بقوا أصحاب كأنهم يعرفوا بعض من

سنين وسنين وكان باولو بك مهتم جدا يوصف للمشلول بالتفصيل الممل كأنه بيحكي بالألوان

الطبيعية الجنينة والزرع اللي فيها اللي هو شايفها من الشباك والنباتات النادرة والشجر اللي

هو والإثنين حبيبه الولد والبنت اللي مبيعديش يوم الا لما يتقابلوا في الجنينة ويقعدوا مع

بعض بالساعات وكان تقريبا المشلول كأنه شيفهم من كتر ما وصف له باولو شكلهم ولبسهم

و حكي له باولو بك عن الخناقة اللي حصلت ما بنهم عند النافورة الزرقاء اللي في نص

الجنينة لما الولد حاول يبوس البنت و البنت زعلت و كانت مشكلة بس الحمد الله المشكلة

اتحلت و كان العيان المشلول مهتم جدا باخبار قصة الحب دى و كان باولو بك مبيفوتش كلمة

بيحكيها للعيان بالتفصيل الممل وكان العيان نفسه يشوفهم بس المرض مانعه لانه مشلول و

مش بيتحرك خالص لكن سبب الشلل غير معروف من ناحية الطب كله تمام الاجهزة كلها

سليمة مفيش مشاكل لكن مفيش حركة خالص و على كده من شهور و لما اتحسنت حالة

باولوا بك و قرر الاطباء المسئولين عنه انه يطلع من المستشفى بعد يوم او اثنين وصى باولو

بك المشلول على انه يتابع قصة الحب اياها و لما يتقابلوا ان شاء الله يبقى يحكيله إزاى

انتهت و اتفقوا على كده و خرج باولو من المستشفى و على القاهرة فورا لانها كانت واحشاه

جدا هي و الست ام العيال و العيال و العيلة كلها .

و العيان المشلول كانت
مشكلته مشكلة و فى مسألة انه بقى لوحده فى الحجرة و مفيش باولو

اللى كان مسليه اخر تسلية تمام التمام لكن العيان عاوز يعرف إيه اللى حصل بين البنت و

الولد فى الجنينة تحت.. مكنش امامه غير انه يحاول يقوم من مكانه علشان يتابع قصة الحب

الشديدة اللي فى الجنينة واول يوم قال للممرضة انه عاوز يغير سريره و ينام مكان باولو و

لما عيان حديد ييجى يبقى ياخد السرير الى بعيد عن الشباك لكن الممرضة قالتله مينفعش

النظام ميسمحش بالكلام ده و السراير كلها زى بعضها.. المهم المشلول مقدرش يقوم خالص

لكن فى اليوم اللي بعده جه على نفسه وقام بصعوبة شديدة فالمرض وحش وصعب بس

هيعمل ايه بعد ما باولو بك الزفت سابه و خف و سافر ومش بس كده وطلب منه كمان انه

يحكيله علي اللي هيحصل واللي كان واللي حصل في الموضوع ده بالتفصيل الممل زي ما

باولو كان بيحكيله ايام ماكان عيان ويسيب الزفت المستشفي... المهم المشلول جه علي نفسه

وصرخة من هنا وسنده من هنا وبالعافية وتقريبا بطلوع الروح قام وقف مش علشان هو

خف بس عشان الزفت الفضول كان هيموته ..قول موته نصف موته اصل طلعة باولو بك

من المستشفي مكنتش بالساهل المهم وصل بالعافية للشباك هو وصل من هنا وبص من

الشباك وهاتك ياضحك هستيري زي المجانين لحد ما وقع علي الأرض... المصيبة كانت ان

الزفت باولو بك زفت اذادور كان يؤمن بحاجات كتير منها ايمانه الشديد والكامل و التام

بأهمية الكذب الأبيض في حياتنا وكان مقتنع علي عكس راي كتيرمن رجال الدين بأن ربنا

اكيد مش هيحاسبنا عليه فحدوتة الجنينة وأشجارها النادرة وقصة الحب إياها مكنتش ممكن

تحصل في قطعة الخرابة اللي شافها المشلول من الشباك بعد رحلة العذاب اللي شافها من

السرير لغاية الشباك ................

هناك 8 تعليقات:

  1. ههههههههه

    جميله اوي و اسلوب باباكي جميل و شيق ..

    :)) تقبلي تحياتي

    ردحذف
  2. مرسيييييييييييييي اوي يا توتا وبابا هيفرح بأول تعليق جدااااااااااااااا

    ردحذف
  3. جميلة القصة يارنيم
    وفي انتظار باقي القصص
    لاني من عشاق القصص بصراحة

    تحياتي لوالدك وليكي :)

    ردحذف
  4. hHAHAHAHHAHAHAHAH
    بجد نقض لاذع سخرى تحفةةةةةة عجبنى جدا جدا جدا
    تحياتى
    سلام

    ردحذف
  5. شكراااااااااااااا جدااااااااا يادينا وبابا هيفرح اوي بتاني تعليق وتحياتييييييييييييي لي وشكراااااااااا علي مرورك

    ردحذف
  6. اسلوب سرد حلو قوي ومنسق
    ده بغض النظر عن سيل الارقام اللي مكتوبه يعني
    وبغض النظر عن تقطيع الجمل
    وبغض النظر عن .... ولا بلاش

    انا جاي اهدي النفوس بس
    بس بجد قصه حلوه قوي
    الحاجه التانيه اني لو مكان الراجل المشلول
    هموت مشلول لو عرفت بعد كل ده ان بولو بيه كان بيشتغلني

    تسلم ايدك علي القصه
    تقبلي مروري ولكي مني وافر الاحترام والتقدير

    ردحذف
  7. شكرااااااااا يا أيادوبابا هيفرح 4 تعليقققققققق

    ردحذف
  8. وشكراااا يا حسام بابا هيعجب 3 تعليقققققققققق

    ردحذف

ممكن تقول رايك في هذا الأدراج؟

أهلا بكم

أهلا بكم